தை பிறந்தால் வழி பிறக்கும்

முன்பனிக்காலத்தின்

இதமான தை!

இம்மண்ணில் பிறந்த உயிர்கள் உண்ண

அறுவடை தந்த தை!

பசிப்பிணி நீங்கிய தை!

உழவைப் போற்றிய தை!

வளங்கள் சேர்த்த தை!

உளங்கள் உவந்த தை!

ஒவ்வொரு ஆண்டும் பிறப்பாள்,

புது வழிகள் திறப்பாள்...

இன்பம்,

புகழ்,

செல்வம்,

ஞானம்,

பண்பு,

அறம் சிறந்து

பொங்கட்டும் நம் வாழ்வில்...

பயணங்கள் முடிவதில்லை

கட்டணமின்றி பயணிக்கின்றோம்,

சுற்றிச் சுற்றி ஒரே தடத்தில்.

சேருமிடம் தெரியாமலே 

பல ஆயிரம் மைல்கள் 

கடந்து விட்டோம்...

செல்லும் வேகம் குறைவதை 

எவருமே அறிவதில்லை,

அறியா வண்ணம் 

வேகம் குறைந்தாலும்,

இந்த பூமி நிற்கப்போவது இல்லை!

பயணிகள் மட்டும் 

ஓரிடம் ஏறி, 

ஓரிடம் இறங்குகின்றோம்...

பயணங்கள் முடிவதில்லை!